शहर प्रतिनिधी
जितेंद्र लखोटिया/तेल्हारा
तेल्हारा तालुक्यातील ज्येष्ठ पत्रकार रितेश सत्यनारायण टीलावत यांची युवा ग्रामीण पत्रकार संघाच्या जिल्हाध्यक्ष पदावर नुकतीच नियुक्ती करण्यात आली आहे. युवा ग्रामीण पत्रकार संघ राष्ट्रीय अध्यक्ष श्री गणेश कचकलवार यांनी प्रसिद्धी पत्रा द्वारा पत्रकार रितेश टीलावत यांचीअकोला जिल्हा अध्यक्षपदी नियुक्ती केली आहे.पत्रकार म्हणून त्यांना प्रदीर्घ अनुभव असून जिल्हाभरातील पत्रकारांशी त्यांचा परिचय आहे .प्रेस क्लब हिवरखेडचे अध्यक्ष रितेश टीलावत यांनी सामाजिक, सांस्कृतिक,धार्मिक, क्रीडा , कृषी तसेच राजकारणी आदि विषयावर नेहमी समाजोपयोगी बातम्या प्रकाशित केल्या आहेत. जिल्हाध्यक्ष पदावर नियुक्ती झाल्याबद्दल जिल्ह्यात युवा ग्रामीण पत्रकार संघटना अधिक मजबूत करेन व ग्रामीण भागातील पत्रकारांना युवा ग्रामीण पत्रकार संघटनेशी जोडेल अशी प्रतिक्रिया रितेश टिलावत यांनी दिली.रितेश टीलावत आपल्या नियुक्तीचे श्रेय युवा ग्रामीण पत्रकार संघाचे राष्ट्रीय अध्यक्ष श्री गणेश कचकलवार, महिला प्रदेशाध्यक्षा सौ. केतकीताई विशाल पांडे, विभागीय अध्यक्ष श्री विजय सूर्यवंशी यांना देतात.
